باغ: (رائیٹ ناؤ نیوز) آزاد کشمیر قانون ساز اسمبلی کے حلقہ ایل اے 15 باغ میں ری پولنگ مکمل ہوگئی۔ آج 9 میں سے صرف 2 پولنگ اسٹیشنز پر ووٹ ڈالے گئے۔

غیر حتمی نتائج کے مطابق پیپلز پارٹی کے ضیا القمر 381 ووٹ لے کر آگے ہیں۔ مسلم لیگ ن کے مشتاق منہاس نے 212 ووٹ حاصل کیے۔

مجموعی طور پر ضیا القمر کے ووٹوں کی تعداد 17 ہزار 118 ہوگئی ہے۔ مشتاق منہاس کے مجموعی ووٹ 15 ہزار 227 ہیں۔

ری پولنگ کے بعد ضیا القمر کو مشتاق منہاس پر 1 ہزار 891 ووٹوں کی برتری حاصل ہے۔

واضح رہے کہ یہ ری پولنگ 9 پولنگ اسٹیشنز میں سے 2 پر ہوئی تھی، جس سے ضیا القمر کی برتری متاثر نہیں ہوئی۔