اسلام آباد: (رائیٹ ناؤ نیوز) حکومت نے قومی اسمبلی اور سینیٹ کے اجلاس 17 اگست کو طلب کرنے کا فیصلہ کرلیا۔ اتحادی جماعتوں سے مشاورت کے بعد وزارتِ پارلیمانی امور نے سمری ارسال کردی ہے۔

وفاقی وزیر پارلیمانی امور ڈاکٹر طارق فضل چوہدری نے بتایا کہ سینیٹ کا اجلاس 14 اگست کو شام 4 بجے جبکہ قومی اسمبلی کا اجلاس شام 5 بجے ہوگا۔ انہوں نے کہا کہ پیپلزپارٹی سے اختلافات کی خبریں بے بنیاد ہیں۔

طارق فضل چوہدری نے کہا کہ اتحادی جماعتوں کے درمیان کوئی اختلاف نہیں اور اجلاس بلانے میں کوئی تاخیر نہیں ہورہی۔ حکومت نے تمام اتحادی جماعتوں سے مشاورت مکمل کرلی ہے۔

انہوں نے مزید کہا کہ اپوزیشن اور حکومتی اتحادیوں سے مشاورت کے بعد اجلاسوں کی تاریخ طے کی گئی ہے۔ پیپلزپارٹی، ایم کیو ایم اور پی ٹی آئی کے چیف وہپس سے ملاقاتیں کی گئی ہیں۔

واضح رہے کہ قومی اسمبلی اور سینیٹ کے اجلاس اہم قانون سازی کے لیے بلائے جاتے ہیں۔ حکومت اور اپوزیشن کے درمیان مشاورت کا عمل جاری ہے تاکہ کوئی رکاوٹ پیش نہ آئے۔