بلوچستان میں آپریشن رد الفتنہ 3 کے تحت 15 دہشت گرد ہلاک، سیکیورٹی فورسز کی مؤثر کارروائیاں جاری۔
کوئٹہ: (رائیٹ ناؤ نیوز) بلوچستان میں آپریشن رد الفتنہ 3 کے تحت انٹیلی جنس بیسڈ کارروائیوں میں 15 دہشت گرد ہلاک کیے گئے ہیں۔ سیکیورٹی فورسز نے مستونگ، بولان، واشک، آواران، سبی، خضدار، ہرنائی اور نوشکی میں کارروائیاں کی ہیں۔
سیکیورٹی ذرائع نے بتایا ہے کہ کارروائیوں کے دوران دہشت گردوں کے قبضے سے بڑی مقدار میں اسلحہ اور گولہ بارود برآمد کیا گیا۔ اس مہم کے نتیجے میں دہشت گردوں کے نیٹ ورک کو شدید نقصان پہنچا ہے۔
مؤثر کارروائیوں کے باعث دہشت گردوں کی نقل و حرکت محدود کر دی گئی ہے۔ سیکیورٹی فورسز نے دہشت گردی کے مکمل خاتمے تک کارروائیاں جاری رکھنے کے عزم کا اظہار کیا ہے۔
یہ آپریشن بلوچستان میں امن کی بحالی کے لیے اہمیت کا حامل ہے۔ وفاقی وزیرداخلہ نے فورسز کی پیشہ ورانہ صلاحیتوں پر فخر کا اظہار کیا ہے۔
واضح رہے کہ سکیورٹی فورسز کی کامیاب کارروائیوں کے باعث بلوچستان میں دہشت گردی کے نیٹ ورک کو کمزور کیا جا رہا ہے۔
