نئی دہلی: (رائیٹ ناؤ نیوز) دہلی پریمیئر لیگ 2026 میں ایک حیران کن واقعہ پیش آیا جس نے شائقین کرکٹ کو حیرت میں ڈال دیا۔ نیو دہلی ٹائیگرز کے کپتان ہمت سنگھ نے آخری گیند پر غیر معمولی رن آؤٹ کرکے میچ برابر کردیا۔

بارش سے متاثرہ 15 اوورز کے میچ میں آؤٹر دہلی واریئرز کو جیت کے لیے آخری گیند پر صرف ایک رن درکار تھا۔ بلے باز پرتھم سلوجا نے گیند کو مڈ آف کی جانب کھیلا اور رن لینے کے لیے دوڑے، لیکن ہمت سنگھ گیند پکڑنے میں ناکام رہے۔

ہمت سنگھ نے غصے میں گیند کو لات ماری جو سیدھی اسٹمپ سے جا ٹکرائی، بیلز گرگئیں اور بلے باز کریز تک نہیں پہنچ سکا تھا۔ اس ناقابل یقین رن آؤٹ کے باعث میچ برابر ہوگیا اور فیصلہ سپر اوور پر چلا گیا۔

تاہم، آؤٹر دہلی واریئرز نے سپر اوور میں بہترین کھیل پیش کرتے ہوئے سیزن 2026 کی اپنی پہلی کامیابی حاصل کرلی۔ یہ واقعہ شائقین کرکٹ کے لیے ایک یادگار لمحہ بن گیا۔

یاد رہے کہ دہلی پریمیئر لیگ میں زیادہ تر میچز بارش کی وجہ سے متاثر ہوتے ہیں، اور اس قسم کے غیر معمولی واقعات شائقین کی دلچسپی کو بڑھا دیتے ہیں۔