مالٹا: (رائیٹ ناؤنیوز) امریکی پاپ گلوکارہ کیٹی پیری مالٹا کے کنسرٹ میں منفرد اسٹیج اسٹنٹ کے دوران دیوہیکل پانی کی بوتل میں پھنس گئیں۔ اس واقعے کی ویڈیو سوشل میڈیا پر وائرل ہو رہی ہے۔

41 سالہ کیٹی پیری نے پرفارمنس کے دوران ایک بڑی بوتل میں داخل ہو کر مداحوں کو اسے اسٹیج تک پہنچانے کا منصوبہ بنایا۔ مگر مداحوں نے بوتل کو ہجوم میں لے جا کر منصوبہ بگاڑ دیا۔

ویڈیو میں دیکھا جا سکتا ہے کہ کیٹی پیری بوتل میں توازن برقرار رکھنے کی کوشش کر رہی ہیں۔ انہوں نے مداحوں سے اسٹیج کی طرف واپس لے جانے کی اپیل کی۔

کچھ منٹ بعد مداحوں نے بوتل کا رخ موڑ کر کیٹی پیری کو اسٹیج تک پہنچایا۔ گلوکارہ نے پرفارمنس دوبارہ شروع کر دی اور بعد میں ہنسی مذاق میں واقعہ بیان کیا۔

یاد رہے کہ واقعے کی ویڈیوز وائرل ہونے کے بعد سوشل میڈیا پر میمز اور تبصرے کیے گئے۔ صارفین نے حفاظتی انتظامات پر سوال اٹھایا جو اتنے بڑے پروپ کے استعمال کے دوران ضروری تھے۔