کراچی: (رائیٹ ناوٴ نیوز) امیر جماعت اسلامی کراچی، منعم ظفر نے کہا ہے کہ پیپلز پارٹی کی 17 سال کی کرپشن نے کراچی کو تباہ کر دیا ہے اور شہر کی حالت گٹر جیسی ہو گئی ہے۔

ادارہ نور حق میں پریس کانفرنس کے دوران منعم ظفر نے کہا کہ کراچی کا انفراسٹرکچر تباہ ہو چکا ہے اور شہری حادثات کا شکار ہیں۔ انہوں نے پیپلز پارٹی پر الزام لگایا کہ ان کی کرپشن کے باعث شہر کا کوئی پرسان حال نہیں رہا۔

انہوں نے مزید کہا کہ ترقیاتی منصوبے مکمل نہیں ہوتے اور عوام کو مشکلات کا سامنا ہے۔ کراچی میں بسوں کی کمی اور موٹر سائیکل حادثات کی بڑھتی ہوئی تعداد پر بھی انہوں نے تشویش کا اظہار کیا۔

منعم ظفر نے کہا کہ کراچی کے مئیر کے ترقیاتی کام کب شروع ہوں گے، یہ بھی واضح نہیں۔ شہر میں 24 افراد گٹر میں گر کر جاں بحق ہو چکے ہیں۔

انہوں نے کہا کہ بسوں کے اعلانات تو ہو رہے ہیں لیکن عملی اقدامات نہیں کیے جا رہے۔ شہر کی آبادی 3.5 کروڑ ہونے کے باوجود بسوں کی تعداد ناکافی ہے۔