اسلام آباد: (رائیٹ ناؤنیوز) سینئر صوبائی وزیر مریم اورنگزیب نے کہا ہے کہ دھاندلی کا شور مچانے والے خود بے ضابطگی کرتے ہوئے پکڑے گئے ہیں۔ ان کا کہنا تھا کہ آزاد کشمیر میں مسلم لیگ (ن) کی کامیابی عوامی خدمت پر اعتماد کا مظہر ہے۔

مریم اورنگزیب نے بتایا کہ میرپور ڈویژن میں مسلم لیگ (ن) کی کامیابی عوامی خدمت کی سیاست پر اعتماد کا ثبوت ہے۔ انہوں نے کہا کہ عوام نے نواز شریف اور مریم نواز پر بھرپور اعتماد کا اظہار کیا ہے۔

ان کا کہنا تھا کہ وزیراعظم شہباز شریف آزاد کشمیر کی تعمیر و ترقی پر خصوصی توجہ دے رہے ہیں۔ انہوں نے مزید کہا کہ نوجوانوں کو لیپ ٹاپس اور اسکالرشپس فراہم کیے جائیں گے۔

انہوں نے دعویٰ کیا کہ مخالفین کے دھاندلی کے الزامات بے بنیاد ہیں۔ ان کا کہنا تھا کہ اگر مخالفین انتخابات جیتنا چاہتے ہیں تو انہیں بھی نواز شریف جیسی قیادت سامنے لانا ہوگی۔

واضح رہے کہ مسلم لیگ (ن) نے ہمیشہ آزاد کشمیر کی ترقی میں کردار ادا کیا ہے۔ نواز شریف نے ملک سے لوڈشیڈنگ کا خاتمہ کیا جبکہ پاکستان عالمی امن کے لیے ثالثی کا کردار ادا کر رہا ہے۔