نیو یارک: (رائیٹ ناؤنیوز) جانسن اینڈ جانسن نے امریکا میں ٹیلکم پاؤڈر سے متعلق مقدمات نمٹانے کے لیے 5.5 ارب ڈالر دینے کی پیشکش کی ہے۔ یہ مقدمات کمپنی کی مصنوعات سے خواتین میں کینسر پیدا ہونے کے الزامات پر مبنی ہیں۔

کمپنی نے بتایا کہ یہ پیشکش 69 ہزار مقدمات پر لاگو ہوگی۔ جانسن اینڈ جانسن آئندہ سال 3 ارب ڈالر ادا کرے گی اور باقی رقم 2028 تک ادا کی جائے گی۔

کمپنی نے الزامات کو بے بنیاد قرار دیا ہے اور کہا ہے کہ اس کی مصنوعات کینسر کا سبب نہیں بنتیں۔ قانونی امور کے نائب صدر نے کہا کہ تصفیہ کمپنی کے لیے بہتر ہے۔

یہ معاہدہ اسی وقت حتمی ہوگا جب 95 فیصد دعویداروں کی قانونی فرمز اس کی منظوری دیں گی۔ کمپنی کا کہنا ہے کہ وہ اپنی بنیادی ذمہ داریوں پر توجہ مرکوز کرنا چاہتی ہے۔

واضح رہے کہ جانسن اینڈ جانسن کے خلاف ٹیلکم پاؤڈر سے متعلق مقدمات 2009 میں شروع ہوئے تھے۔ 2022 میں کمپنی نے ٹیلکم پاؤڈر کی تیاری بند کرنے کا اعلان کیا تھا۔