کراچی: (رائیٹ ناؤ نیوز) کراچی میں ٹماٹر کی قیمت میں مزید اضافہ ہوگیا ہے۔ شہریوں کو ایرانی ٹماٹروں کی ترسیل کے باوجود کوئی ریلیف نہیں مل سکا ہے۔

مقامی مارکیٹ میں ٹماٹر کی قیمت 450 سے 500 روپے فی کلو تک پہنچ گئی ہے۔ کئی تاجروں نے قیمتیں 110 سے 125 روپے فی پاؤ مقرر کی ہوئی ہیں۔

حالیہ رپورٹس کے مطابق تاجر ایرانی اور کوئٹہ کے ٹماٹر مہنگے داموں بیچ رہے ہیں۔ چھوٹے سائز کے ٹماٹر 400 روپے فی کلو کے حساب سے فروخت ہورہے ہیں۔

ٹماٹر کی قیمت میں اضافے کی وجہ سے عوام کو مشکلات کا سامنا ہے۔ شہری حکومت سے مدد کی اپیل کر رہے ہیں۔

یاد رہے کہ گزشتہ سال بھی ٹماٹر کی قیمتوں میں اضافہ ہوا تھا، جس سے شہریوں کو مشکلات کا سامنا کرنا پڑا تھا۔