لاہور: (رائیٹ ناوٴ نیوز) وزیر اطلاعات و ثقافت پنجاب عظمیٰ بخاری نے کہا ہے کہ پاک فوج کے ترجمان نے عمران خان کے ملک دشمن ایجنڈے کو بے نقاب کر دیا ہے۔ انہوں نے بیان میں کہا کہ قوم نے عمران خان کو پہچان لیا ہے اور وہ طالبان اور بھارت کی حمایت سے اقتدار میں آنا چاہتے ہیں۔

عظمیٰ بخاری نے مزید کہا کہ پاکستانی افواج کے سپہ سالار پر بے بنیاد الزامات بانی پی ٹی آئی کی ذہنی حالت کا ثبوت ہیں اور یہ چند چہرے ریاستی استحکام کے لئے خطرہ ہیں۔

لیفٹیننٹ جنرل احمد شریف نے کہا کہ عمران خان کی سیاست ریاست سے بڑھ کر نہیں ہو سکتی اور وہ ایک دہشت گردی کے نیٹ ورک سے منسلک ہیں۔ عظمیٰ بخاری نے کہا کہ ریاست دشمن ایجنڈوں کو ناکام بنائے گی اور افواج کے خلاف بیانیہ ناقابل قبول ہے۔

دوسری جانب وزیراعلیٰ خیبرپختونخوا کے معاون خصوصی اطلاعات شفیع جان نے ردعمل میں کہا کہ عظمیٰ بخاری کا بیان جھوٹ اور پروپیگنڈا ہے اور عمران خان کو کسی بیرونی حمایت کی ضرورت نہیں۔