نیویارک: (رائیٹ ناؤ نیوز) سپین نے فیفا ورلڈکپ 2026ء کے فائنل میں ارجنٹینا کو شکست دے کر بیک وقت مینز اور ویمنز فٹبال ورلڈ چیمپئن بننے کا منفرد ریکارڈ قائم کر دیا۔ اس تاریخی کامیابی کے ساتھ سپین فٹبال کی دنیا میں نئی تاریخ رقم کرنے میں کامیاب ہوا۔

فائنل میں سپین نے شاندار کھیل کا مظاہرہ کرتے ہوئے ارجنٹینا کو 0-1 سے شکست دی اور دوسری بار ورلڈکپ کا ٹائٹل اپنے نام کر لیا۔ سپین کی ٹیم کی جانب سے فیصلہ کن گول فیران ٹوریس نے اضافی وقت میں کیا۔

اس کامیابی کے بعد سپین دنیا کا پہلا ملک بن گیا جس نے بیک وقت مینز اور ویمنز فٹبال ورلڈ کپ جیتا ہے۔ سپین نے 2023ء میں بھی ویمنز کا ٹائٹل جیت کر اپنی برتری ثابت کی تھی۔

دوسری طرف، ارجنٹینا نے فیفا ورلڈ کپ کی تاریخ کا ناپسندیدہ ریکارڈ اپنے نام کر لیا۔ فائنل کے 90 منٹ میں ارجنٹینا کی ٹیم ایک بھی شاٹ گول پر نہ لگا سکی، یہ تاریخ میں پہلی بار ہوا ہے۔

واضح رہے کہ فیفا ورلڈ کپ 2026ء میں سپین کی کارکردگی نے عالمی سطح پر فٹبال کے شائقین کو حیران کر دیا اور اس نے اپنی فٹبال طاقت کو ایک بار پھر ثابت کر دیا۔