علی وسام نے 82 فٹ 10 انچ اور 90 فٹ 6 انچ کے فاصلے سے دو عالمی ریکارڈز قائم کرکے باسکٹ بال کی تاریخ میں نئی تاریخ رقم کی۔
قاہرہ: (رائیٹ ناؤ نیوز) مصر کے باسکٹ بال کھلاڑی علی وسام نے گنیز ورلڈ ریکارڈز میں دو نئے عالمی ریکارڈز قائم کر دیے ہیں۔ انہوں نے یہ کارنامے ایک ہی دن میں حاصل کیے ہیں، جس میں ایک ریکارڈ ہارلیم گلوب ٹراٹرز کے کھلاڑی کے پاس تھا۔
21 سالہ علی وسام نے 82 فٹ 10 انچ کے فاصلے سے سب سے زیادہ فاصلے کا ہُک شاٹ پھینکا۔ اس کے علاوہ انہوں نے 90 فٹ 6 انچ کے فاصلے سے بیک ورڈ شاٹ پھینک کر دوسرا ریکارڈ بھی قائم کیا۔
گنیز ورلڈ ریکارڈز کے مطابق علی وسام کے یہ ریکارڈز باسکٹ بال کے کھیل میں نئی تاریخ رقم کرتے ہیں۔ انہوں نے بتایا کہ یہ ان کے لیے ایک ناقابل یقین لمحہ ہے۔
یہ کارنامہ اس لیے اہم ہے کہ اس سے قبل بیک ورڈ شاٹ کا ریکارڈ 2024 میں ہارلیم گلوب ٹراٹرز کے کوری ‘تھنڈر’ لا نے 87 فٹ 8 انچ کے فاصلے سے قائم کیا تھا۔
یاد رہے کہ علی وسام ماضی میں مصری قومی باسکٹ بال ٹیم کی نمائندگی بھی کر چکے ہیں، اور ان کے لیے ہارلیم گلوب ٹراٹرز کا ریکارڈ توڑنا ایک خواب پورا ہونے جیسا ہے۔
