لاہور: (رائیٹ ناؤنیوز) پاکستان کرکٹ بورڈ کے ڈائریکٹر ہائی پرفارمنس عاقب جاوید نے کہا ہے کہ شان مسعود کی قیادت میں ٹیم کی کارکردگی توقعات کے مطابق نہیں تھی۔

عاقب جاوید نے مصباح الحق اور اسد شفیق کے ہمراہ پریس کانفرنس میں کہا کہ شان مسعود کی ذاتی کارکردگی اچھی رہی، مگر ٹیم کی مجموعی کارکردگی بہتر نہیں تھی۔

انہوں نے کہا کہ کپتان کی تبدیلی اس لیے کی گئی تاکہ ٹیم کے نتائج بہتر ہوں، فاسٹ بولرز کی اسپیڈ بھی تشویش کا باعث ہے۔

مزید کہا کہ کسی بھی کرکٹ بورڈ کو تسلسل کے ساتھ موقع دیا جانا چاہیے، جو کارکردگی کی بنیاد پر ہوتا ہے۔

واضح رہے کہ بابر اعظم کو دورہ ویسٹ انڈیز اور انگلینڈ کے لیے پاکستان ٹیسٹ ٹیم کا کپتان مقرر کیا گیا ہے۔