تہران: (رائیٹ ناؤ نیوز) ایران کے وزیر خارجہ عباس عراقچی نے کہا ہے کہ امریکا کے ساتھ معاہدے کی تکمیل کے قریب ہیں۔ انہوں نے میڈیا سے اپیل کی ہے کہ اس کے مواد پر قیاس آرائی نہ کریں۔ امریکی نائب صدر جے ڈی وینس نے معاہدے کی خبروں کو غلط قرار دیا ہے۔

ایرانی وزیر خارجہ نے سوشل میڈیا پر کہا کہ معاہدے کی حتمی منظوری تک میڈیا قیاس آرائی سے اجتناب کرے۔ انہوں نے کہا ایران تمام تفصیلات وقت پر عوام کے ساتھ شیئر کرے گا۔

امریکی نائب صدر نے کہا کہ ایران کے ساتھ ممکنہ معاہدے کے دعوے درست نہیں ہیں۔ انہوں نے کہا کہ اگر ایران ذمہ داریاں پوری کرے تو خطے کے لیے مثبت اثرات پیدا ہوں گے۔

جے ڈی وینس نے اپنے بیان میں کہا کہ معاہدہ خطے میں دیرپا امن قائم کرنے کی صلاحیت رکھتا ہے۔ انہوں نے حالیہ میڈیا رپورٹنگ پر تنقید کی اور کہا کہ بعض دعوے غیر معقول ہیں۔

واضح رہے کہ ایرانی میڈیا نے ایک 14 نکاتی مفاہمتی یادداشت کا مسودہ شائع کیا ہے۔ اس کا مقصد ایران اور امریکا کے درمیان موجودہ جنگ کا خاتمہ ہے۔