واشنگٹن: (رائیٹ ناؤ نیوز) امریکی صدر ڈونلڈ ٹرمپ نے کہا ہے کہ ایران کے پاس صرف 21 سے 22 فیصد میزائل باقی رہ گئے ہیں۔ انہوں نے زور دیا ہے کہ ایران کے پاس معاہدے کے سوا کوئی راستہ نہیں بچے گا۔

وسکونسن میں ایک تقریب میں انہوں نے کہا کہ جنگوں اور تنازعات کے حل میں وقت لگتا ہے۔ ایران مستقبل میں ایسے اقدامات کرنے پر مجبور ہوگا جن کا اس نے کبھی تصور بھی نہیں کیا ہوگا۔

امریکی صدر نے مزید کہا کہ ایران نے کسی معاہدے پر اتفاق نہیں کیا۔ انہوں نے دعویٰ کیا کہ ایران خود کو طاقتور سمجھتا ہے، اسی لیے معاہدے پر راضی نہیں ہوا۔

ٹرمپ کا کہنا تھا کہ ایران کے ساتھ معاملات مثبت سمت میں آگے بڑھ رہے ہیں۔ انہوں نے مزید کہا کہ ایران کی موجودہ صورتحال میں بہتری آ رہی ہے۔

یاد رہے کہ امریکا سے مذاکرات تعطل کا شکار ہیں اور ایران نے منجمد اثاثوں کی بحالی کو شرط بنا دیا ہے۔