یروشلم: (رائیٹ ناؤنیوز) اسرائیلی فوج نے لبنان-اسرائیلی سرحد کے شمال میں 40 کلومیٹر کے علاقے کو جنگی زون قرار دے دیا ہے۔ فوج نے مکینوں کو فوری نقل مکانی کرنے کی ہدایت دی ہے۔

میڈیا رپورٹس کے مطابق، صیہونی فوج نے ان علاقوں کے باشندوں کو دریا کے شمال میں واقع علاقوں میں منتقل ہونے کا کہا ہے۔ یہ قدم علاقے کی کشیدگی میں مزید اضافہ کر سکتا ہے۔

اسرائیلی فوج کے ترجمان ایویخائی ادریائی نے ایکس پر پوسٹ میں اس فیصلے کو درست قرار دیا ہے۔ انہوں نے کہا کہ یہ اقدام عوام کی حفاظت کے پیش نظر لیا گیا ہے۔

اس اعلان سے واشنگٹن کی ثالثی میں ہونے والے جنگ بندی معاہدے کو خطرہ لاحق ہوگیا ہے۔ معاہدے کے باوجود زمینی جھڑپیں جاری ہیں، جو صورت حال کو بگاڑ سکتی ہیں۔

واضح رہے کہ حالیہ کشیدگی چالیس دن پہلے طے پانے والے جنگ بندی معاہدے کے بعد سے جاری ہے۔ اسرائیل اور لبنان کے درمیان زمینی جھڑپوں میں اضافہ ہو رہا ہے۔