اسلام آباد: (رائیٹ ناؤ نیوز) وزیراعظم شہباز شریف نے توانائی کے شعبے میں اصلاحات کے لئے اجلاس کی صدارت کی۔ اس دوران انہوں نے بجلی کے نظام میں بہتری، لائن لاسز میں کمی اور صارفین کو سہولیات بڑھانے کی ہدایت دی۔

اجلاس میں بجلی کے نظام کو جدید خطوط پر استوار کرنے کی تجاویز پر غور ہوا۔ وزیراعظم نے صنعتی اور گھریلو صارفین کے لئے بہتر سہولیات کی فراہمی پر زور دیا۔

وزیراعظم نے قابل تجدید توانائی کے منصوبوں کے فروغ کی ہدایت کی۔ انہوں نے کہا کہ طویل المدتی بنیادوں پر توانائی کے مسائل حل کرنے کی ضرورت ہے۔

وزیراعظم نے بجلی کے نرخوں میں استحکام کے لئے جامع حکمت عملی بنانے کی ہدایت دی۔ انہوں نے کہا کہ بلوں کی ادائیگی کے لئے ڈیجیٹل سہولیات کو فروغ دیا جائے۔

واضح رہے کہ اجلاس میں وفاقی وزراء، وزیر مملکت برائے خزانہ اور متعلقہ اداروں کے اعلیٰ حکام نے شرکت کی۔ توانائی کے شعبے میں اصلاحات کا مقصد عوام اور صنعت کے وسیع تر مفاد کو مدنظر رکھنا ہے۔