پشاور: (رائیٹ ناوٴ نیوز) وزیر اعلیٰ خیبرپختونخوا سہیل آفریدی نے کہا ہے کہ بانی پاکستان تحریک انصاف بلاوجہ جیل میں ہیں اور ان کا نظریہ قید نہیں کیا جا سکتا۔

افتتاحی تقریب میں خطاب کرتے ہوئے سہیل آفریدی نے بتایا کہ بانی پی ٹی آئی کی بینائی 85 فیصد متاثر ہو چکی ہے اور انہیں اپنی لیگل ٹیم سے ملاقات کی اجازت نہیں دی جا رہی۔

وزیر اعلیٰ نے کہا کہ خیبرپختونخوا حکومت بانی کے نظریے کو عملی جامہ پہنانے کے لیے بھرپور کوششیں کر رہی ہے اور نوجوانوں کو ہنر مند بنانے پر توجہ مرکوز ہے۔

تعلیمی اداروں میں فرسودہ کورسز ختم کرنے اور نوجوانوں پر سرمایہ کاری کو حکومت کا مشن قرار دیا گیا ہے۔

یاد رہے کہ خیبرپختونخوا میں کرپشن کے خاتمے کے لیے سخت اقدامات کیے جا رہے ہیں اور افسران کو سفارشات ماننے سے روکا گیا ہے۔