بیجنگ: (رائیٹ ناوٴ نیوز) دو پاکستانی خلانورد چین کے خلانورد مرکز میں تربیت کے لئے جمعہ کو بیجنگ پہنچ گئے۔

چین کے انسان بردار خلائی ادارے نے تصدیق کی ہے کہ محمد ذیشان علی اور خرم داؤد کو چین کے خلائی مشن کی تربیت کے لئے منتخب کیا گیا ہے۔ یہ پہلا موقع ہے جب غیر ملکی خلا نورد کو یہ موقع دیا گیا ہے۔

تربیت مکمل کرنے کے بعد، ان میں سے ایک خلا نورد پے لوڈ سپیشلسٹ کے طور پر خلائی مشن میں شامل ہوگا۔ یہ چین کے مشن میں شامل ہونے والا پہلا غیر ملکی خلا نورد ہوگا۔

یہ اقدام چین کے خلائی پروگرام کے بین الاقوامی تعاون کو فروغ دینے کا حصہ ہے، جو عالمی سطح پر اہمیت کا حامل ہے۔

واضح رہے کہ چین کی خلائی تحقیقیات میں تیزی سے ترقی ہو رہی ہے، اور اس میں بین الاقوامی تعاون کی بھی حوصلہ افزائی کی جا رہی ہے۔