نیویارک: (رائیٹ ناوٴ نیوز) امریکا نے بھارت کو روسی تیل کی خریداری پر دی گئی رعایت کو ختم کر دیا ہے۔

عالمی میڈیا کے مطابق، امریکی وزیر خزانہ نے کہا ہے کہ بھارت کی جانب سے 11 مارچ سے پہلے خریدے گئے رعایتی تیل کے سودوں کی مدت اب ختم ہو چکی ہے۔ بھارتی ریفائنریوں نے اس دوران 3 کروڑ بیرل روسی تیل کے آرڈرز دیے تھے۔

امریکی حکام کا کہنا ہے کہ بھارت کو اب روس سے نئے سودے کرنے کی اجازت نہیں ہوگی۔ صرف پہلے سے سمندر میں موجود تیل ہی خریدا جا سکے گا۔

یہ قدم بھارت کی روسی تیل پر انحصار کو محدود کرنے کے لیے اٹھایا گیا ہے۔ اس سے بھارت کو توانائی کی فراہمی کے ذرائع میں تنوع پیدا کرنے کی ضرورت ہوگی۔

واضح رہے کہ امریکا نے بھارت کو روس سے تیل خریدنے کے لیے ایک ماہ کی عارضی اجازت دی تھی، جس کے بعد بھارت نے رعایتی نرخوں پر تیل کے سودے کیے تھے۔