کابل: (رائیٹ ناوٴ نیوز)

افغانستان کے ہائی کمیشن برائے امورِ مہاجرین کے مطابق ہفتے کو ایران اور پاکستان سے 2,102 افغان خاندانوں کے 11,855 افراد اپنے وطن واپس آئے۔

کمیشن نے بتایا کہ واپس آنے والے مہاجرین کو عارضی رہائش، خوراک، پانی، طبی سہولیات اور ٹرانسپورٹ کی خدمات فراہم کی جا رہی ہیں۔

اعداد و شمار کے مطابق دنیا بھر میں تقریباً 60 لاکھ افغان مہاجرین مقیم ہیں، جن میں بڑی تعداد غیر دستاویزی افراد کی ہے، جبکہ سب سے زیادہ افغان مہاجرین ایران اور پاکستان میں رہائش پذیر ہیں۔