پشاور: (رائیٹ ناوٴ نیوز) سابق وزیر اعلیٰ خیبرپختونخوا علی امین گنڈاپور نے ویڈیو بیان میں بانی پی ٹی آئی کی صحت پر تشویش کا اظہار کرتے ہوئے کہا ہے کہ ان کی آنکھ اور صحت کے حوالے سے تحفظات برقرار ہیں۔

علی امین گنڈاپور نے کہا کہ افسوس ہے کہ بانی پی ٹی آئی کو ان کے ذاتی معالج سے نہیں ملنے دیا جارہا۔ ہم ابھی تک یہ جائز مطالبہ بھی پورا نہیں کرواسکے کہ بانی کو ان کا ذاتی معالج دیا جائے۔ مطالبہ ہے کہ بانی کے ذاتی معالج کو رسائی دی جائے تاکہ ان کی آنکھ اور صحت کے حوالے سے تازہ معلومات مل سکیں۔