لاہور: (رائیٹ ناوٴ نیوز) شوکت خانم اسپتال کے ڈاکٹر عاصم یوسف نے کہا ہے کہ بانی پی ٹی آئی عمران خان کا خود معائنہ کیے بغیر ان کی صحت کے بارے میں حتمی رائے دینا ممکن نہیں۔

گزشتہ شب پونے 10 بجے ڈاکٹر عاصم یوسف کی عمران خان کی طبی معائنہ کرنے والی اسلام آباد کی میڈیکل ٹیم سے تفصیلی گفت و شنید ہوئی۔ اس دوران ڈاکٹر خرم اعظم بھی ان کے ہمراہ تھے، اور تقریباً 40 منٹ تک بانی پی ٹی آئی کی صحت سے متعلق امور زیر بحث آئے۔

اسلام آباد کے ڈاکٹروں کے مطابق عمران خان کی طبیعت میں بہتری آ چکی ہے، مگر ڈاکٹر عاصم یوسف نے کہا کہ وہ اس رپورٹ کو نہ مسترد کر سکتے ہیں اور نہ ہی مکمل قبول کر سکتے ہیں جب تک خود معائنہ نہ کر لیں۔

ڈاکٹر عاصم نے درخواست کی کہ انہیں عمران خان کا براہ راست چیک اپ کرنے کی اجازت دی جائے تاکہ وہ ذاتی طور پر طبی صورتحال کا جائزہ لے سکیں۔