اسلام آباد: (رائیٹ ناوٴ نیوز) چیئرمین پی ٹی آئی بیرسٹر گوہر نے قومی اسمبلی میں کہا ہے کہ خواجہ آصف نے افواج کے کندھے پر بیٹھ کر سیاست کی ہے۔

بیرسٹر گوہر نے اجلاس میں اظہار خیال کرتے ہوئے کہا کہ وفاقی وزیر نے پی ٹی آئی کو دہشت گردی کے پیچھے قرار دیا ہے۔ بیرسٹر گوہر نے کہا کہ دہشت گرد جہاں بھی ہوں، ہمارے دشمن ہیں اور ہمارا گھروں پر قبضہ ہونا ہمیں غدار نہیں بناتا۔

انہوں نے کہا کہ فوج کے خلاف بات کرنے والے خواجہ آصف خود ہیں اور عدلیہ پر حملہ کرنے والے بھی وہی ہیں۔ بیرسٹر گوہر نے مزید کہا کہ عالمی عدالت میں کلبھوشن کیس میں بھارت نے خواجہ آصف کے موقف کو اپنایا۔

بیرسٹر گوہر نے کہا کہ افواج کے کندھے پر بیٹھ کر سیاست نہ کی جائے، خواجہ آصف نے آج تقسیم پیدا کی ہے۔