کراچی: (رائیٹ ناوٴ نیوز) وفاقی وزیر نجکاری محمد علی نے کہا ہے کہ حکومت ٹیکس کے پیسے سے کاروبار کر رہی ہے، جو اس کا کام نہیں ہے۔ انہوں نے مزید کہا کہ پاکستان کی معیشت کا بڑا حصہ غیر دستاویزی ہے، جس کے باعث کرپشن بڑھ رہی ہے۔

وفاقی وزیر نے کہا کہ جب تک ٹیکس نظام مکمل طور پر دستاویزی نہیں ہوتا، اس میں بہتری ممکن نہیں۔ انہوں نے یہ بھی کہا کہ پاکستان کی 10 کروڑ کی آبادی والے صوبے میں ملازم طبقہ ٹیکس کا بوجھ اٹھا رہا ہے جبکہ حکومت ٹیکس کے پیسے کو نقصان پورا کرنے میں استعمال کر رہی ہے۔

سابق وزیر خزانہ مفتاح اسماعیل نے کہا کہ پاکستان کے مسائل کا سبب صرف سیاست دان نہیں بلکہ سیاسی ڈھانچے کی کمزوریاں ہیں۔ سابق وزیر خزانہ اسد عمر نے نشاندہی کی کہ ملک کو صرف گارمنٹس کی برآمدات پر انحصار نہیں کرنا چاہئے بلکہ عالمی ضروریات کے مطابق پیداوار بڑھانی چاہئے۔