کراچی: (رائیٹ ناوٴ نیوز) گل پلازہ میں آتشزدگی کے دوران ایمرجنسی راستوں کی بندش نے 26 ہلاکتوں کا سبب بنی۔

متاثرہ دکانداروں نے بتایا کہ حادثے کے وقت عمارت کے 26 میں سے 24 دروازے بند تھے، جس سے لوگوں کو باہر نکلنے کا موقع نہیں ملا۔ آگ تیزی سے پھیل رہی تھی اور دھوئیں سے سانس لینا مشکل ہوگیا تھا۔

بجلی کی بندش کے باعث بھگدڑ مچ گئی، اور کئی افراد بے ہوش ہوکر زمین پر گر گئے۔ دکانداروں نے اپنی مدد آپ کے تحت لوگوں کو عمارت سے نکالا۔

گل پلازہ میں ملبہ ہٹانے اور لاپتا افراد کی تلاش کا کام جاری ہے، جبکہ 26 ہلاکتوں کی تصدیق ہوچکی ہے اور 76 افراد ابھی بھی لاپتا ہیں۔

ایس بی سی اے کے مطابق 1998 میں عمارت میں اضافی منزلیں تعمیر کی گئیں، جس سے پارکنگ ایریا میں دکانیں بنائی گئیں اور چھت کو پارکنگ میں تبدیل کیا گیا۔