اشک آباد: (رائیٹ ناوٴ نیوز) وزیر اعظم شہباز شریف کی روسی صدر ولادیمیر پیوٹن سے ملاقات کے بارے میں آر ٹی انڈیا نے ایک پوسٹ حذف کر دی، جس میں کہا گیا تھا کہ یہ ممکنہ طور پر واقعات کی غلط تشریح ہوسکتی ہے۔

شہباز شریف بین الاقوامی فورم میں شرکت کے لئے اشک آباد میں موجود تھے جہاں انہوں نے ترکی کے صدر رجب طیب اردگان، ایرانی صدر مسعود پزیشکیان، تاجکستان کے صدر امام علی رحمان اور کرغزستان کے صدر صدر ساڈیئر ژاپاروف سمیت کئی عالمی رہنماؤں سے ملاقات کی۔

https://x.com/RT_India_news/status/1999563611086422053?s=20

اطلاعات کے وزیر عطا اللہ تارڑ نے ایک ویڈیو شیئر کرتے ہوئے کہا کہ وزیر اعظم کی عالمی رہنماؤں کے ساتھ ملاقاتیں گرمجوشی سے بھری ہوئی تھیں۔ وزیر اعظم کے ترجمان برائے غیر ملکی میڈیا مشرف زیدی نے بھی ویڈیو شیئر کرتے ہوئے کہا کہ وزیر اعظم نے فورم میں شرکت کرنے والے ممالک کے رہنماؤں سے نتیجہ خیز ملاقاتیں کیں۔

تاہم، آر ٹی انڈیا نے اپنے سوشل میڈیا پلیٹ فارم سے ایک ویڈیو حذف کی جس میں کہا گیا تھا کہ وزیر اعظم شہباز شریف 40 منٹ تک روسی صدر پیوٹن کے انتظار میں تھے۔

آر ٹی انڈیا نے وضاحت میں کہا کہ پوسٹ ممکنہ طور پر واقعات کی غلط تشریح کر رہی تھی۔