پشاور: (رائیٹ ناؤ نیوز) وزیراعلیٰ خیبرپختونخوا سہیل آفریدی نے شکارپور میں اسٹریٹ موومنٹ ریلی کی قیادت کی۔ انہوں نے کہا کہ سندھ کے عوام نے واضح کر دیا ہے کہ وہ عمران خان کے ساتھ چٹان کی طرح کھڑے ہیں۔

وزیراعلیٰ نے ریلی سے خطاب کرتے ہوئے کہا کہ دہائیوں سے سندھ میں ایک سیاسی جماعت کا راج تھا، لیکن اب عوام نے اپنی طاقت کا اظہار کر دیا ہے۔ 27 ستمبر کی فیصلہ کن جدوجہد کے لیے عوام کا جذبہ ہماری اصل طاقت ہے۔

سہیل آفریدی کے مطابق 27 ستمبر کو سندھ سمیت پاکستان بھر میں عوام اپنے حقوق کے لیے نکلیں گے۔ انہوں نے کہا کہ عوام کی موجودہ جوش و خروش سے پتہ چلتا ہے کہ وہ ایک فیصلہ کن قوت بن کر ابھریں گے۔

انہوں نے کہا کہ عمران خان ناحق قید ہیں اور ان کے خاندان کو بھی جبر کا سامنا ہے۔ حکمرانوں کی جانب سے عدلیہ کے فیصلوں کی توہین کی جا رہی ہے، جس سے عوام کو آئینی حقوق کے لیے آواز اٹھانے کا موقع مل گیا ہے۔

یاد رہے کہ سہیل آفریدی نے کہا کہ یہ ملک عوام کا ہے اور ان کے وسائل بھی۔ کرپٹ حکمران عوام کے حقوق پر ڈاکا ڈال رہے ہیں، لیکن عوام کو اپنے حقوق کے لیے کھڑا ہونا ہوگا۔