مظفرآباد: (رائیٹ ناؤنیوز) آزاد جموں و کشمیر میں مسلم لیگ ن کی نئی حکومت نے اہم مرحلہ مکمل کرلیا ہے۔ نئی کابینہ نے صدر ہاؤس مظفرآباد میں حلف اٹھایا۔

قائم مقام صدر چوہدری طارق فاروق نے نو منتخب وزراء سے حلف لیا۔ اہم وزراء میں کرنل (ر) وقار نور، اظہر صادق اور عبدالرحمن آرائیں شامل ہیں۔

راجہ ثاقب مجید، ڈاکٹر مصطفیٰ بشیر عباسی اور راجہ ریاست بھی وزارت کا حصہ بن گئے ہیں۔ سردار میر اکبر اور عمیر نعیم کابینہ میں شامل ہوئے ہیں۔

نئی کابینہ کی تشکیل سے حکومت سازی کا مرحلہ مکمل ہوگیا۔ وزراء کے محکموں کی تقسیم آئندہ مرحلے میں ہوگی۔

واضح رہے کہ نئے وزراء سے توقع کی جا رہی ہے کہ وہ انتظامی بہتری اور عوامی مسائل کے حل کے لیے اقدامات کریں گے۔