مظفرآباد: (رائیٹ ناؤ نیوز) آزاد جموں و کشمیر کی نئی 8 رکنی کابینہ نے آج ایوان صدر میں حلف اٹھا لیا۔ قائم مقام صدر چوہدری طارق فاروق نے حلف برداری کی تقریب میں ارکان سے حلف لیا۔ وزیراعظم افتخار گیلانی بھی تقریب میں موجود تھے۔

کابینہ کے ارکان میں وقار نور، اظہر صادق، ثاقب مجید، ڈاکٹر مصطفیٰ بشیر، راجہ ریاست، انجینئر عمیر نعیم، عبد الرحمان آرائیں اور سردار میر اکبر شامل ہیں۔ ان وزرا نے آئین کے مطابق ذمہ داریاں ادا کرنے کا عزم کیا ہے۔

تقریب میں مسلم لیگ (ن) آزاد کشمیر کے صدر شاہ غلام قادر، سابق وزیراعظم راجہ فاروق حیدر خان، اراکین اسمبلی، اعلیٰ سرکاری افسران اور شہریوں کی بڑی تعداد موجود تھی۔

نئی کابینہ کی تشکیل کے بعد حکومت نے ترقیاتی اور عوامی فلاحی ایجنڈے پر عملی پیش رفت کا آغاز کرنے کی توقع ظاہر کی ہے۔ ابتدائی طور پر وزرا کو محکموں کے قلمدان تفویض کیے جائیں گے۔

واضح رہے کہ افتخار گیلانی نے 28 اگست کو وزیراعظم کا منصب سنبھالا تھا، اور اب کابینہ کے مکمل ہونے کے بعد حکومت کا انتظامی ڈھانچہ مکمل ہو گیا ہے۔