لاہور: (رائیٹ ناؤ نیوز) پاکستان ریڈ بال ٹیم کے سابق ہیڈ کوچ جیسن گلیسپی نے عاقب جاوید پر شدید تنقید کی ہے۔ انہوں نے کہا کہ پاکستانی ٹیم خوف کے ساتھ کھیل رہی ہے، اور سلیکشن میں کوئی حکمت عملی نظر نہیں آتی۔

جیسن گلیسپی نے کہا کہ عاقب جاوید روزانہ اپنا فیصلہ بدلتے ہیں، وہ 2 سال سے چیف سلیکٹر ہیں۔ انہوں نے ماضی میں گلیسپی اور گیری کرسٹن کو حالات کا ذمہ دار قرار دیا۔

گلیسپی کا کہنا ہے کہ عاقب جاوید کو موجودہ صورتحال کی ذمہ داری قبول کرنی چاہیے۔ کھلاڑیوں اور عاقب جاوید کے درمیان رابطے کا فقدان ہے، برطرف کھلاڑیوں کو اپنی برطرفی کا علم میڈیا کے ذریعے ہوا۔

سابق کوچ نے یہ بھی کہا کہ کھلاڑیوں کو برطرف کرنے کے فیصلے سے براہ راست آگاہ نہ کرنا انتہائی بے عزتی ہے۔ اس عمل سے کھلاڑیوں کی حوصلہ شکنی ہوتی ہے۔

یاد رہے کہ عاقب جاوید 2 سال سے چیف سلیکٹر ہیں اور ان کے فیصلے اکثر متنازعہ رہے ہیں۔ گلیسپی نے ان کو آئینہ دیکھنے کا مشورہ دیا ہے۔