اسلام آباد: (رائیٹ ناؤنیوز) سی ڈی اے فائر سروس نے فائر سیفٹی قوانین کی خلاف ورزی پر سی ڈی اے اسپتال اور پولی کلینک انتظامیہ کو 5 لاکھ روپے کا جرمانہ کیا ہے۔ ان دونوں اسپتالوں میں فائر اینڈ لائف سیفٹی نقائص کی نشاندہی کی گئی ہے۔

سی ڈی اے نے بتایا ہے کہ متعدد نوٹسز کے باوجود فائر ڈیٹیکشن اور فائر فائٹنگ سسٹم میں خامیاں دور نہیں کی گئیں۔ معائنے کے دوران ایمرجنسی لائٹنگ اور ایگزٹ سائن ایج کے نقائص بھی سامنے آئے ہیں۔

سی ڈی اے فائر سروس نے اسپتال انتظامیہ کو فوری اقدامات کرنے اور اصلاحی رپورٹ جمع کرانے کی ہدایت کی ہے۔ پولی کلینک کا دوبارہ معائنہ بھی ہوگا۔

فائر سیفٹی اقدامات کی اہمیت میں اضافہ ہوا ہے اور سی ڈی اے نے مزید قانونی کارروائی کی تنبیہ کی ہے۔

واضح رہے کہ پمز میں حالیہ آتشزدگی کے واقعے کے بعد اسپتالوں میں فائر سیفٹی کی اہمیت بڑھ گئی ہے۔