کراچی: (رائیٹ ناؤ نیوز) پب جی موبائل نے پاکستانی کریئیٹر فاروق احمد کو خراجِ عقیدت پیش کیا ہے۔ وہ کینیڈا کے شہر کیلگری میں موٹر سائیکل حادثے میں انتقال کرگئے۔

پب جی گیم کے آفیشل سوشل میڈیا اکاؤنٹ پر کہا گیا کہ فاروق کو کبھی نہیں بھلایا جائے گا۔ مزید کہا گیا کہ کمیونٹی نے اپنا ایک اہم رکن کھو دیا ہے۔

پب جی موبائل کے منتظم نے فاروق کے ساتھ اپنی یادیں شیئر کی ہیں۔ فاروق نے شینژن میں گیم کے مواد پر بات کی تھی اور بینکاک میں اپنی اسپورٹس کاریں دکھائی تھیں۔

ان کے احترام میں پب جی موبائل اکاؤنٹ پر تین دن تک کوئی نئی پوسٹ نہیں کی جائے گی۔ فاروق کی موت پر دیگر کریئیٹرز نے بھی خراجِ عقیدت پیش کیا ہے۔

یاد رہے کہ فاروق کے یوٹیوب پر 9 لاکھ 25 ہزار سبسکرائبز اور انسٹاگرام پر 86 ہزار فالوورز تھے۔ انہیں پب جی موبائل کا سرکاری پارٹنر بھی قرار دیا گیا تھا۔