اسلام آباد: (رائیٹ ناؤ نیوز) پاکستان مسلم لیگ (ن) کے سینیٹر پرویز رشید نے سینیٹ اجلاس میں کہا ہے کہ اشرافیہ کے پرائیویٹ علاج پر پابندی لگائی جائے۔ یہ پابندی سرکاری ہسپتالوں کی حالت بہتر بنانے کا سبب بنے گی۔

انہوں نے کہا کہ پمز جیسے المیے روزانہ کی بنیاد پر پاکستان کی تقدیر بن چکے ہیں۔ ان مسائل کا حل صرف پابندی اور سخت انکوائری میں ہے، لیکن سابقہ انکوائریوں کے باوجود مسائل حل نہیں ہوئے۔

پرویز رشید نے مطالبہ کیا کہ سب کا علاج سرکاری ہسپتالوں میں ہونا چاہئے۔ چاہے وہ سینیٹر، جج یا بیوروکریٹ ہو، کوئی بھی پرائیویٹ علاج نہ کرائے۔

انہوں نے مزید کہا کہ سرکاری تنخواہ لینے والے افراد کو پبلک ٹرانسپورٹ استعمال کرنی چاہئے۔ اس سے ٹرانسپورٹ سروس بھی بہتر ہو جائے گی۔

یاد رہے کہ سی ایم ایچ کی تعریف کے پیچھے فوجی افسران اور نچلے عملے کا ایک ہی نظام سے علاج کرانا ہے، جس سے معیار بہتر ہوتا ہے۔