اسلام آباد: (رائیٹ ناؤ نیوز) حکومت نے عمران خان کو شفا ہسپتال منتقل کرنے کے سپریم کورٹ کے فیصلے کے خلاف نظر ثانی اپیل دائر کی ہے۔

درخواست میں کہا گیا کہ قیدی کو پرائیویٹ ہسپتال منتقل کرنا کریمنل جسٹس سسٹم کے لیے خطرناک ہوگا۔ دیگر قیدی بھی جیل رولز کے خلاف ایسی ہی سہولت طلب کریں گے۔

درخواست میں دعویٰ کیا گیا کہ ڈسٹرکٹ الیکشن کمشنر کو بھی کیس میں شامل کیا جانا چاہیے تھا، جو سپریم کورٹ نے نظر انداز کیا۔

واضح رہے کہ عمران خان کو میڈیکل چیک اپ کے لیے پمز ہسپتال لایا گیا تھا اور صبح واپس اڈیالہ جیل منتقل کر دیا گیا۔

وفاقی وزیر اطلاعات عطا اللہ تارڑ نے کہا کہ عمران خان کا طبی معائنہ مکمل ہوا، اور انہیں صحت مند قرار دیا گیا، شفا ہسپتال کے ڈاکٹرز بھی موجود تھے۔