اسلام آباد: (رائیٹ ناؤ نیوز) ایف آئی اے نے 671 غیر ملکیوں کو فارن بلیک لسٹ میں ڈالنے کا فیصلہ کیا ہے۔ یہ افراد کال سینٹرز سے گرفتار کیے گئے اور ان کا پاکستان میں داخلہ مکمل طور پر بند ہوگا۔

ذرائع کے مطابق، ان افراد کے خلاف غیر قانونی سرگرمیوں میں ملوث ہونے کے شواہد موجود ہیں۔ ان پر دوبارہ پاکستان آنے کی پابندی ہوگی۔

ایف آئی اے نے ان افراد کے مقامی روابط کی تحقیقات کا بھی ارادہ ظاہر کیا ہے تاکہ نیٹ ورک میں شامل مزید عناصر کو پکڑا جا سکے۔

دفتر خارجہ کے ذریعے ان ممالک کو بھی ان افراد کی جرائم کی تفصیلات فراہم کر دی گئی ہیں جہاں سے یہ تعلق رکھتے ہیں۔

یاد رہے کہ گرفتار افراد فراڈ، بلیک میلنگ اور آن لائن لائیو فحش مواد کی عالمی فروخت میں بھی ملوث پائے گئے ہیں۔