کوئٹہ: (رائیٹ ناؤ نیوز) فیلڈ مارشل سید عاصم منیر نے کہا ہے کہ بلوچستان اور پاکستان کا حال اور مستقبل ایک ہے۔ انہوں نے کہا کہ بلوچستان میں امن و استحکام اور سرمایہ کاری عوام کی خوشحالی کے لیے ناگزیر ہے۔

آئی ایس پی آر کے مطابق، فیلڈ مارشل سید عاصم منیر نے بلوچستان کی اہم شخصیات اور سیاسی قیادت سے ملاقات کی۔ انہوں نے کہا کہ بلوچستان باصلاحیت اور محب وطن لوگوں کا مسکن ہے۔

ترجمان پاک فوج نے بتایا کہ فیلڈ مارشل نے نوجوانوں کی صلاحیتوں کو سراہا۔ انہوں نے کہا کہ نوجوانوں کا بااختیار بنانا پائیدار ترقی کے لیے ضروری ہے۔

آرمی چیف نے کہا کہ دشمن عناصر کے عزائم ناکام بنائیں گے۔ انہوں نے کہا کہ بلوچستان کی ترقی، خوشحالی اور امن دشمن کے منصوبوں کو ناکام بنائے گی۔

واضح رہے کہ فیلڈ مارشل نے عمائدین سے گفتگو میں کہا کہ دشمن عناصر ریاست اور عوام کے درمیان خلیج پیدا کرنے کی کوشش کر رہے ہیں۔