پشاور: (رائیٹ ناؤ نیوز) خیبرپختونخوا کے وزیر اطلاعات شفیع جان نے کہا ہے کہ حکومت سپریم کورٹ کے حکم میں رکاوٹ بن رہی ہے۔ انہوں نے کہا کہ حکومت اب بھی بانی پی ٹی آئی کو ہسپتال منتقل کرنے کیلئے تیار نہیں۔

شفیع جان نے کہا کہ حکومت پر توہین عدالت لگ سکتی ہے۔ انہوں نے دعویٰ کیا کہ بانی پی ٹی آئی قید تنہائی میں نہ ہوتے تو بیماری کے مسائل نہ ہوتے۔

وزیر اطلاعات نے مزید کہا کہ پی ٹی آئی نے بانی کی صحت پر سیاسی گفتگو نہ کرنے کی یقین دہانی کرائی ہے۔ انہوں نے کہا کہ ہم نے 2 سال میں احتجاج کی کوئی کال نہیں دی۔

انہوں نے کہا کہ حکومت کی ضد ختم نہیں ہو رہی اور بانی پی ٹی آئی کی صحت پر سیاست کر رہی ہے۔ کچھ حکومتی نمائندوں نے کہا سپریم کورٹ کے حکم پر عمل کریں گے۔

یاد رہے کہ بانی پی ٹی آئی کی صحت کے مسائل پر پہلے بھی حکومت پر تنقید کی گئی ہے۔ شفیع جان نے زور دیا کہ سپریم کورٹ کے فیصلے پر عمل کیا جائے۔