ایتھلیٹس میں سپلیمنٹس کا استعمال کارکردگی میں بہتری کا ذریعہ ہے، مگر متوازن غذا اہمیت رکھتی ہے۔
لندن: (رائیٹ ناؤ نیوز) اولمپکس 1992 میں برطانوی ایتھلیٹس نے کری ایٹین کو بطور ’خفیہ ہتھیار‘ استعمال کیا۔ اس وقت یہ قانونی سپلیمنٹ سمجھا جاتا تھا جو پٹھوں کی طاقت میں معمولی بہتری لاسکتا تھا۔
آج کل کری ایٹین سمیت مختلف سپلیمنٹس دنیا بھر کے کھلاڑیوں کی خوراک کا حصہ ہیں۔ ماہرین کا کہنا ہے کہ ایلیٹ ایتھلیٹس سپلیمنٹس استعمال کرتے ہیں، مگر متوازن غذا اور مناسب نیند ضروری ہے۔
پروفیسر گریم کلوز کے مطابق سپلیمنٹس کارکردگی بہتر بنانے کے لیے آخری قدم ہیں، بنیادی نہیں۔ پروٹین پاؤڈر، کری ایٹین اور وٹامن ڈی ایتھلیٹس میں مقبول ہیں۔
پروٹین پٹھوں کی مرمت میں مدد دیتا ہے جبکہ کری ایٹین فوری توانائی فراہم کرتا ہے۔ وٹامن ڈی ہڈیوں کی صحت کے لیے اہم ہے۔ طویل فاصلے کے ایتھلیٹس کاربوہائیڈریٹ جیلز اور اسپورٹس ڈرنکس بھی استعمال کرتے ہیں۔
واضح رہے کہ قانونی سپلیمنٹس میں اینٹی ڈوپنگ خطرات موجود ہیں۔ غیر اعلانیہ ممنوعہ مادہ شامل ہونے کی صورت میں کھلاڑی کو سزا ہوسکتی ہے۔ ماہرین تصدیق شدہ مصنوعات استعمال کرنے کی تاکید کرتے ہیں۔
