پی آئی اے اور دیگر ایئرلائنز کو 15 سال تک درآمدی اشیا پر سیلز ٹیکس چھوٹ دی گئی ہے۔ یہ فیصلہ قومی اسمبلی کی خزانہ کمیٹی کی سفارشات پر کیا گیا ہے، جو آئندہ بجٹ سے نافذ ہوگا۔
اسلام آباد: (رائیٹ ناؤ نیوز) قومی اسمبلی کی قائمہ کمیٹی نجکاری کے اجلاس میں پی آئی اے سمیت تمام ایئرلائنز کو درآمدی اشیا پر سیلز ٹیکس چھوٹ دینے کا فیصلہ کیا گیا ہے۔ یہ فیصلہ آئندہ بجٹ سے نافذ العمل ہوگا اور ٹیکس چھوٹ 15 سال کے لیے ہوگی۔
ڈاکٹر فاروق ستار کی زیر صدارت کمیٹی کے اجلاس میں نجکاری کمیشن حکام نے بتایا کہ قومی اسمبلی کی خزانہ کمیٹی کی سفارش پر یہ فیصلہ کیا گیا ہے۔ اس میں پی آئی اے سمیت تمام ایئرلائنز شامل ہیں۔
اجلاس میں زرعی ترقیاتی بینک کی نجکاری پر بھی بحث ہوئی۔ حکام نے بتایا کہ زیڈ ٹی بی ایل کو 2024 میں نجکاری فہرست میں شامل کیا گیا تھا اور اس کا ٹرانزیکشن پلان اسی ماہ منظور ہونے کی توقع ہے۔
ڈسکوز کی نجکاری کے منصوبے کی بھی وضاحت کی گئی۔ بتایا گیا کہ فیسکو، آئیسکو اور میپکو کی نجکاری پہلے مرحلے میں کی جائے گی۔ مختلف کمپنیوں نے دلچسپی ظاہر کی ہے اور بڈنگ دسمبر 2026 میں ہوگی۔
واضح رہے کہ پیٹرولیم لیوی کو معیشت کی ترقی میں رکاوٹ قرار دیا گیا ہے۔ چیئرمین کمیٹی نے اس پر سخت فیصلہ لینے کی ضرورت پر زور دیا ہے۔
