انگلینڈ کے خلاف پہلے ٹیسٹ کے لئے پاکستانی ٹیم کی حکمت عملی پر غور جاری ہے۔ گھاس والی پچ اور بارش کی پیشگوئی کے باعث ٹیم کی تشکیل میں تبدیلیاں متوقع ہیں۔
لندن: (رائیٹ ناؤنیوز) پاکستانی ٹیم کی مینجمنٹ نے انگلینڈ کے خلاف پہلے ٹیسٹ کے لئے گھاس والی پچ کو دیکھتے ہوئے حکمت عملی پر غور شروع کردیا ہے۔ ذرائع کے مطابق ٹیم میں 7 اسپیشلسٹ بیٹرز اور 4 اسپیشلسٹ فاسٹ بولرز کو شامل کرنے پر غور کیا جارہا ہے۔
میچ کے دوران بارش کی پیشگوئی کے باعث ساجد خان یا علی عثمان کو نہ کھلانے کی تجویز زیر غور ہے۔ بابراعظم اور شان مسعود کی دستیابی کے بارے میں مینجمنٹ پرامید ہے۔
بابراعظم اور شان مسعود کی دستیابی کا حتمی فیصلہ آج پریکٹس سیشن کے بعد ہوگا۔ مینجمنٹ نے کھلاڑیوں کی کارکردگی کو دیکھتے ہوئے یہ فیصلہ کیا ہے۔
پہلے پریکٹس سیشن کے بعد بیٹرز اور بولرز کی الگ الگ میٹنگز ہوئیں۔ بولرز کو انگلینڈ کے بیٹرز اور بیٹرز کو انگلینڈ کے بولرز کی ویڈیوز دکھائی گئیں۔
واضح رہے کہ انگلینڈ کے موسم کی غیر یقینی صورتحال اور پچ کی موجودہ حالت کو دیکھتے ہوئے ٹیم مینجمنٹ نے حکمت عملی میں تبدیلی کا فیصلہ کیا ہے۔
