اسلام آباد: (رائیٹ ناؤ نیوز) پیپلز پارٹی نے آزاد کشمیر انتخابات اور نئے صوبوں کے معاملے کو پارلیمان میں اٹھانے کا فیصلہ کیا ہے۔ پارٹی آئندہ دنوں میں اس معاملے پر اپنا مؤقف بھرپور انداز میں پیش کرے گی۔

ذرائع نے بتایا کہ بلاول بھٹو زرداری قومی اسمبلی سے خطاب کر سکتے ہیں۔ وہ آزاد کشمیر انتخابات میں مبینہ دھاندلی اور پارٹی کے تحفظات پر بات کریں گے۔

بلاول بھٹو زرداری وفاقی حکومت کے ساتھ ہونے والے مذاکرات پر ایوان کو اعتماد میں لیں گے۔ وہ آئندہ کے لائحہ عمل کا بھی اعلان کر سکتے ہیں۔

پیپلز پارٹی قومی اسمبلی میں نئے صوبوں کے قیام پر اپنا نکتہ نظر پیش کرے گی۔ پارٹی کے پارلیمنٹیرینز اس معاملے پر اظہار خیال کریں گے۔

واضح رہے کہ پیپلز پارٹی طویل عرصے سے نئے صوبوں کے قیام کی حمایت کرتی رہی ہے۔ پارٹی کا مؤقف ہے کہ نئے صوبے عوام کی خدمت میں بہتری لائیں گے۔