پرتگال کے فٹبال اسٹار کرسٹیانو رونالڈو نے اپنے 25 سالہ کیریئر کے آخری سال کا اعلان کیا ہے، جس کے بعد وہ سیاحت اور پیڈل کھیل میں مشغول رہیں گے۔
لزبن: (رائیٹ ناؤ نیوز) پرتگال کے مشہور فٹبالر کرسٹیانو رونالڈو نے اعلان کیا ہے کہ یہ سال ان کے پیشہ ورانہ فٹبال کیریئر کا آخری سال ہوگا۔
41 سالہ رونالڈو نے ووگ میگزین کو بتایا کہ 25 سالہ کیریئر کی قربانیوں کے بعد وہ اپنی کامیابیوں کا لطف اٹھانا چاہتے ہیں۔
انہوں نے کہا کہ کھیل سے ریٹائرمنٹ کے بعد سیاحت اور پیڈل کھیل سے اپنے وقت کو مصروف رکھیں گے۔
رونالڈو نے اپنے کیریئر میں 950 سے زیادہ گولز اسکور کیے اور کہا کہ وہ کھیل کو شاندار یادگار چھوڑ کر جانا چاہتے ہیں۔
واضح رہے کہ رونالڈو نے مانچسٹر یونائیٹڈ، ریئل میڈرڈ، یووینٹس اور النصر جیسے کلبز کی نمائندگی کرتے ہوئے کئی عالمی اعزازات جیتے ہیں۔
