ڈارون: (رائیٹ ناؤ نیوز) آسٹریلیا کے فاسٹ بولر جوش ہیزل ووڈ نے بنگلادیش کے خلاف ڈارون ٹیسٹ میں 300 ٹیسٹ وکٹیں مکمل کر لیں۔ اس میچ میں انہوں نے 14ویں مرتبہ پانچ وکٹیں حاصل کرنے کا اعزاز بھی حاصل کیا۔

ہیزل ووڈ آسٹریلیا کے نویں بولر بن گئے ہیں جنہوں نے یہ سنگ میل عبور کیا ہے۔ وہ موجودہ کھلاڑیوں نیتھن لیون، پیٹ کمنز اور مچل اسٹارک کے ساتھ 300 ٹیسٹ وکٹوں کے کلب میں شامل ہوگئے ہیں۔

یہ ٹیسٹ کرکٹ کی تاریخ کا واحد بولنگ اٹیک ہے جس کے چاروں ارکان 300 سے زائد وکٹیں حاصل کر چکے ہیں۔ 35 سالہ ہیزل ووڈ نے انجری کے باعث گزشتہ 12 ماہ سے ٹیسٹ کرکٹ نہیں کھیلی تھی۔

واضح رہے کہ بنگلادیش کے خلاف پہلے ٹیسٹ میں انہیں اسکاٹ بولینڈ پر ترجیح دی گئی۔ انہوں نے اس اعتماد کو درست ثابت کرتے ہوئے پہلی اننگز میں 6 وکٹیں حاصل کیں۔

ہیزل ووڈ نے بنگلادیش کے خلاف پہلی اننگز میں تنزید حسن، مومن الحق، نجم الحسن شانتو، حسن محمود، تاج الاسلام، مہدی حسن میراز اور عبادت حسین کی وکٹیں لیں۔