تہران: (رائیٹ ناؤ نیوز) ایران کی بری فوج کے کمانڈر بریگیڈیئر جنرل علی جہان شاہی نے خبردار کیا ہے کہ اگر امریکی فوجی ایرانی سرزمین پر قدم رکھیں تو انہیں زندہ نہیں چھوڑا جائے گا۔ انہوں نے کہا کہ دشمن کی کسی بھی کارروائی کا مؤثر جواب دیا جائے گا۔

ایرانی میڈیا کے مطابق جنرل علی جہان شاہی نے مزید کہا کہ ایرانی زمینی افواج مکمل جنگی تیاری کی حالت میں ہیں اور سرحدوں پر مکمل نگرانی جاری ہے۔ ان کے مطابق ایران کسی بھی مداخلت کو برداشت نہیں کرے گا۔

حالیہ صورتحال میں ایرانی وزیر خارجہ نے اعلان کیا ہے کہ امریکا کی جانب سے عبوری معاہدے کی خلاف ورزی تک بات چیت نہیں ہوگی۔ پاسداران انقلاب کے ترجمان بریگیڈیئر جنرل حسین محبی نے کہا کہ آبنائے ہرمز دوبارہ کھولنے کا انحصار امریکا کی شرائط قبول کرنے پر ہے۔

ان بیانات کے بعد خطے میں کشیدگی میں اضافہ ہوا ہے۔ ایرانی اور امریکی افواج کے درمیان ممکنہ تصادم کی صورت میں خطے کی سلامتی متاثر ہو سکتی ہے۔

یاد رہے کہ امریکا کی سینٹرل کمانڈ نے ایران کے خلاف بحری ناکہ بندی کے تحت 55 تجارتی بحری جہازوں کا رخ موڑا ہے۔ اس وقت 20 سے زائد امریکی جنگی بحری جہاز مشرق وسطیٰ میں موجود ہیں۔