کراچی: (رائیٹ ناؤ نیوز) میر رضا قتل کیس میں اہم موڑ سامنے آیا ہے۔ ایک چودہ سالہ ملازم شاہد نے پولیس کو اہم معلومات فراہم کی ہیں۔ یہ ملازم گیسٹ ہاؤس میں کام کرتا تھا جہاں سے میر رضا کی لاش ملی تھی۔

شاہد نے بتایا کہ اس نے میر رضا کو کبھی بھی گیسٹ ہاؤس میں نہیں دیکھا تھا۔ واقعے کی رات، جب شور ہوا تو دیگر عملہ پیچھے کے راستے سے فرار ہو گیا۔

پولیس نے فرار ہونے والے عملے کے دو افراد کو پکڑ لیا ہے جبکہ ایک تاحال فرار ہے۔ شاہد کا کہنا ہے کہ پولیس نے اس کا بیان ریکارڈ کر کے چھوڑ دیا ہے۔

سوشل میڈیا پر الزامات کے بعد سندھ حکومت نے جوڈیشل انکوائری کا فیصلہ کیا ہے تاکہ معاملے کی مکمل چھان بین ہو سکے۔

واضح رہے کہ میر رضا کی لاش انتیس جولائی کو ملی تھی اور پوسٹ مارٹم رپورٹ نے تشدد کے نشانات کی تصدیق کی تھی۔ پولیس نے قتل کی دفعہ بھی شامل کر لی ہے۔