تہران: (رائیٹ ناؤنیوز) ایران کے صدر مسعود پزشکیان نے کہا کہ سفارتکاری نے امریکا کو ایران سے مفاہمت پر مجبور کیا ہے۔ انہوں نے موجودہ وقت کو معاہدے کے لئے بہترین قرار دیا ہے۔

ایرانی صدر نے تہران میں پریس کانفرنس کے دوران کہا کہ امریکا نے ایران اور عمان کی مشترکہ گائیڈلائنز پر عمل نہیں کیا۔ اس کے باعث ایران کو ردعمل دینا پڑا ہے۔

مسعود پزشکیان نے کہا کہ اس صورتحال میں ایک ٹیم کی ضرورت ہے جو خلاف ورزیوں سے نمٹ سکے۔ ان کا کہنا ہے کہ اس پر کام جاری ہے۔

صدر نے امید ظاہر کی کہ ایران وقار کے ساتھ آگے بڑھے گا۔ ان کے مطابق موجودہ وقت معاہدے کے لئے موزوں ہے۔

واضح رہے کہ ایرانی صدر نے امریکا کو مجرم اور استعماری حکومت کہا ہے۔ انہوں نے کہا کہ ایران کا رویہ امریکا کے بارے میں نہیں بدلا۔