پاکستان سمیت 8 اسلامی ممالک نے غزہ میں اسرائیلی خلاف ورزیوں کی مذمت کرتے ہوئے جنگ بندی کا مطالبہ کیا ہے۔
اسلام آباد: (رائیٹ ناؤ نیوز) غزہ میں اسرائیلی کارروائیوں کے خلاف پاکستان سمیت 8 اسلامی ممالک نے ایک مشترکہ اعلامیہ جاری کیا ہے۔ ان ممالک کے وزرائے خارجہ نے اسرائیلی اقدامات پر گہری تشویش ظاہر کی ہے۔
اعلامیے میں غزہ کے اسپتالوں اور شہری بنیادی ڈھانچے پر حملوں کی مذمت کی گئی ہے۔ ترجمان دفتر خارجہ نے کہا کہ یہ اقدامات بین الاقوامی قوانین کی خلاف ورزی ہیں اور ان پر تشویش کا اظہار کیا گیا۔
اعلامیہ میں کہا گیا ہے کہ اسرائیلی کارروائیاں امن عمل کے لیے خطرہ بن رہی ہیں۔ ترجمان کے مطابق غزہ پر جاری حملے انسانی بحران کو مزید سنگین کر رہے ہیں۔
واضح رہے کہ اعلامیے میں بین الاقوامی برادری سے اسرائیل کو بین الاقوامی قوانین پر عمل کرنے کی تاکید کی گئی ہے۔ وزرائے خارجہ نے انسانی امداد کی بلا رکاوٹ فراہمی پر زور دیا ہے۔
یاد رہے کہ مسئلہ فلسطین کے حل کے لیے دو ریاستی حل کو اہم قرار دیا گیا ہے۔ وزرائے خارجہ نے فلسطینی علاقوں کے الحاق کی ہر کوشش کی مذمت کی ہے۔
