ممبئی: (رائیٹ ناؤ نیوز). بالی ووڈ اداکارہ کنگنا رناوت نے جین زی کو تنقید کا نشانہ بنانے کے بعد فرینڈشپ ڈے وش کیا ہے۔ حال ہی میں انہوں نے جین زی کو ‘گٹر’ کہا تھا تاہم اب انسٹاگرام پر فرینڈشپ ڈے منایا۔

اداکارہ نے انسٹاگرام اسٹوری میں جم میں دو جین زی لڑکیوں سے ملاقات کا ذکر کیا۔ انہوں نے بتایا کہ لڑکیوں نے ڈیجیٹل دور کی اہمیت اور سوشل میڈیا کو روزمرہ زندگی کا حصہ بتایا۔

کنگنا نے کہا کہ لڑکیوں نے آزادی کی خواہش کا اظہار کیا، جس پر انہوں نے ذمہ داری کی ضرورت پر زور دیا۔ اداکارہ نے کہا کہ آزادی کے ساتھ ذمہ داری بھی ضروری ہے۔

کنگنا نے واضح کیا کہ آزاد اور قدامت پسند طرزِ زندگی میں اختلافات بے گناہ بچوں کو متاثر کر سکتے ہیں۔ انہوں نے جین زی لڑکیوں کی ذمہ داری پر اتفاق کی بھی تعریف کی۔

واضح رہے کہ کنگنا نے بھارت میں طلبہ احتجاج کے دوران جین زی کو ‘گٹر’ کہنے پر شدید تنقید کا سامنا کیا تھا۔ یہ بیان طلبہ کے احتجاج کے دوران ان کے الفاظ کے استعمال کے بعد دیا گیا تھا۔