اسلام آباد: (رائیٹ ناؤ نیوز) ہائیکورٹ نے اینٹی نارکوٹکس فورس میں نئی بھرتیوں کو روک دیا ہے۔ یہ حکم جاری اشتہار کے مطابق بھرتیوں کے عمل پر آیا ہے۔

عدالت نے اعلان کیا کہ نئی بھرتیوں کے اشتہار پر عملدرآمد مرکزی درخواست کے فیصلے تک معطل رہے گا۔ جسٹس محمد اعظم خان نے یہ احکامات جاری کیے ہیں۔

عدالت نے مزید کہا کہ عدالت درخواست کے میرٹ پر فیصلہ کیے بغیر متفرق درخواست کو منظور کررہی ہے۔ مرکزی کیس کی سماعت 22 اگست کو ہوگی۔

یاد رہے کہ یہ درخواست کانسٹیبل محمد شفیق خان نے دائر کی ہے، جس میں وزارتِ داخلہ سمیت دیگر کو فریق بنایا ہے۔

درخواست گزار نے مؤقف اختیار کیا ہے کہ نئی بھرتیاں غیر قانونی ہیں اور محکمانہ ترقی کا حق نظر انداز کیا گیا ہے۔ عدالت سے درخواست کی گئی ہے کہ بھرتیوں کا اشتہار کالعدم قرار دیا جائے۔